Taliska Booliska Gobolka Banaadir ayaa xabsiga dhigay 9 askari oo amar diido iyo rasaas nool ku furayay Munaasabadda 26-ka June ee maalmaha xorriyadda Muqdisho.
Dhacdadan ayaa keentay baaritaan kadib markii ay soo baxeen warar sheegaya in rasaas la is weydaarsaday iyo khasaare dhimasho iyo dhaawac isugu jirta.
Booliska ayaa horey u soo saaray amar adag oo ku aadan isticmaalka rasaasta nool inta lagu guda jiro dabaaldegyada si loo sugo amniga guud. Iyadoo ay taasi jirto ayaa hadana waxa ay Ciidamadu ka dhaga adeygeen amarkaasi oo ay rasaas cirka u rideen taasi oo keentay in markiiba xabsiga loo taxaabo.
Maamulka ayaa baafinaya shaqsiyaadka kale ee ku lugta leh dhacdada si looga hortago dhacdooyinka mustaqbalka iyo ilaalinta nidaamka inta lagu jiro munaasabadaha dadweynaha.
Baaritaanku wuxuu ujeedkiisu yahay in la go’aamiyo heerka buuxa ee xadgudubka iyo cawaaqib kasta oo ka dhasha.
Xariga ayaa hoosta ka xariiqaya sida ay uga go’an tahay booliiska Soomaaliyeed ilaalinta shuruucda amniga iyo xaqiijinta fayo-qabka shacabka inta lagu guda jiro dabaaldegyada qaran.
