ADDIS ABABA War qoraal ah oo goor dhow ka soo baxay xafiiska Ra’iisal wasaaraha Itoobiya ayaa lagu beeniyay warar baraha bulshada lagu faafiyay oo sheegayay in Itoobiya ay go’aansatay inay laasho heshiiskii is-afgaradka (MOU) ee ay la gashay Somaliland.
Bayaanka ayaa warbixinnadan ku calaamadisay “waxyaalo been abuur ah,” iyadoo xoogga lagu saarayo in MOU uu weli sii jiro.
Heshiiskan muranka badan dhaliyay ee la saxeexday 1-dii January, ayaa ku saabsan in Somaliland ay 20 KM oo ka mid ah dhulkeeda badda ka kirayso Itoobiya si ay aqoonsi uga hesho. Madaxda Somaliland waxay gaashaanka ku dhufteen heshiiska MOU, iyagoo ku sababeeyey faa’iidada uu u leeyahay qarankooda.
Si kastaba ha ahaatee, heshiiskan ayaa dib u dhac weyn ka dhaliyay Soomaaliya, oo heshiiska MOU u aragta mid xadgudub ku ah madax-banaanideeda iyo dhulkeeda.
Madaxweynaha Soomaaliya ayaa todobaadkaan ku celceliyay in iyadoo dowladiisa ay u furan tahay in Itoobiya ay ganacsi ku yeelato biyaha Soomaaliya, aysan u dulqaadan doonin in saldhig ciidan laga dhigo ama laga kireeyo dhulkeeda badda.
Xaaladda ayaa weli ah mid xiisad ka abuuraysa gobolka Geeska Afrika, iyadoo beesha caalamkuna ay si dhow ula socdaan sida wax u socdaan.
