Home Warar Maxaa Looga hadlay kulanka Madaxda Qaranka iyo kuwa Maamul Goboleedyada?

Maxaa Looga hadlay kulanka Madaxda Qaranka iyo kuwa Maamul Goboleedyada?

275

Waxaa Maanta magaalada dhuusa-mareeb ee caasimada galmudug kulan ku yeeshay Madaxda qaranka iyo kuwa maamul goboleedyada kulankaan ayaana hordhac u ahaa kulanka amniga qaranka.

War qoraala oo lagu daabacay Villasomalia ayaa looga warbixiyay kulankaan.

”Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa guddoomiyey kulan hordhac u ah Shirka Wadatashiga Dowladda Federaalka Soomaaliya iyo Dowlad Goboleedyada.
Kulankan ayaa ku saabsanaa sidii loo jaangoyn lahaa qodobbada muhiimka u ah wadatashiga Heer Federaal iyo Heer dowlad Goboleed, hannaanka geeddi socodka siyaasadda doorashooyinka iyo Amniga Qaranka.
Kulanka waxaa ka qeyb galay Raiisul Wasaaraha Xukuumadda Federaalka Soomaaliya Mudane Xasan Cali Khayre, Madaxweyneyaasha Dowlad Goboleedyada, Galmudug Mudane Axmed Cabdi Kaariye, Hirshabeelle Mudane Maxamed Cabdi Waare, Puntland Mudane Siciid Cabdullaahi Dani, Koonfur-galbeed Mudane Cabdicasiis Xasan Maxamed iyo Jubbaland Mudane Axmed Maxamed Islaan” ayaa lagu yiri warka ka soo baxay Madaxtooyada Soomaaliya.