Dowladda Soomaaliya ayaa ku dhawaaqday howlgal cusub oo Milatari oo lagu bedelayo ciidamada Midowga Afrika ee AMISOM, kuwaasoo ka bixi doona dhamaadka sanadkan. La Taliyaha Amniga Qaranka Xuseen Sheekh Cali ayaa shaaca ka qaaday in ciidamo gaaraya 12,000 oo askari oo ka kala socda dalal kala duwan oo Afrikaan ah ay si ku meel gaar ah ula wareegi doonaan mas’uuliyadda ATMIS.
“Dowladda Soomaaliya oo ay hoggaamineyso, waxaa lagu wadaa in ciidamo Afrikaan ah oo tiro yar lagu bedelo ATMIS dowladdu waxay hadda wadaa qorshe ay ku go’aaminayso dalalka ay ku biirin doonaan ciidamadan cusub, kuwaasoo la filayo inay gaarayaan 12,000 oo askari,” ayuu yiri xuseenSheekh-Cali.
Xuseen Sheekh Cali ayaa intaas ku daray in 10,000 oo askari ay qaban doonaan mas’uuliyadda koowaad ee ay hadda gacanta ku hayso ATMIS, halka 2,000 ee soo hartayna ay qaban doonaan howlo dheeri ah.
Ku dhawaaqistan ayaa walaac ku beertay dalal badan oo Afrikaan ah, kuwaasi oo ka cabsi qaba in Al-shabaab ay gacanta ku dhigaan dalka Soomaaliya, kadib markii ay isaga baxeen ATMIS. Howlgalka cusub oo ay ka qeyb qaadanayaan ciidamada dowladda Soomaaliya iyo kuwa Afrikaan ah, ayaa ujeedkiisu yahay sidii looga hortagi lahaa natiijadan.
Xuseen Sheekh Cali ayaa sidoo kale sheegay in faah faahinta dalalka ay ciidamadaasi u soo dirayaan Soomaaliya iyo waqtiga rasmiga ah ee ay ku sugan yihiin ay tahay mid ay dowladda Soomaaliya soo gabagabeyneyso.
