Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 47 ee 24-ta October, 2023, kuna saabsan magacaabid Taliyaha iyo Taliye Ku-xigeenka Ciidanka Daraawiishta Dowladda Puntland.
Siciid Deni ayaana xilka ka qaaday taliyihii hore ee ciidanka Daraawiishta iyo kuxigeenkiisa, waxa uuna hadda u magacaabay taliyaha Daraawiishta S/Guuto Aadan Cabdi Xaashi, halka kuxigeenkiisa loo magacaabay S/Guuto Cabdiraxmaan Maxamed Jaamac.
Wareegtada magacaabista ayaa u qorneyd sida tan :
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad
Ciidanimo.Wuxuu xeeriyey:
1. Waxaa S/Guuto Aadan Cabdi Xaashi loo magacaabay Taliyaha Ciidanka Daraawiishta Dowladda Puntland.
2. Waxaa S/Guuto Cabdiraxmaan Maxamed Jaamac (Ilig) loo magacaabay Taliye Ku-xigeenka 2-aad ee Ciidanka Daraawiishta Dowladda Puntland.
3. Xeerkani wuxuu dhaqan gelayaa markuu Madaxweynuhu saxiixo, Wuuna saxiixay.
