Maamulka Galmudug ayaa faahfaahin ka bixiyay dagaal beeleedyo saacaddihii lasoo dhaafay ka dhacay degaano ka tirsan gobolada Mudug iyo Galgaduud oo u dhaxeeyay beelo walaalo ah.
Wasiirka Warfaafinta Galmudug Axmed Shire Falagle ayaa sheegay in ciidanka Galmudug ay guulo ka gaareen dagaal ay Al-Shabaab kula galeen maalmihii lasoo dhaafay degaano ku yaalla gobolka Galgaduud, sido kalena Ciidanka Galmudug ay kusii jeedaan Ceelbuur.
Waxaa uu tilmaamay wasiir Falagle in Al-Shabaab ay ka dambeeyaan dagaal beeleedyada, iyadoo u jeedada laga leeyahay ay tahay sidii loo wiiqi lahaa howlgallada ka socda Gobolka.
Beelaha walaalaha ah ayuu ugu baaqay in ay joojiyaan dagaalka, islamarkanaa Ciidanka Galmudug ay gaari doonaan maalmaha soo socda.
Waxaa uu tilmaamay wasiir Falagle in Galmudug ay la xisaabtami doonto dadka fulinaya dagaal beeleedyadda ka socda gobolka Galgaduud.
