Home Warar Fahad Yaasiin oo U Hanjabay Xildhibaano Su,aalo Waydiiyay Maanta

Fahad Yaasiin oo U Hanjabay Xildhibaano Su,aalo Waydiiyay Maanta

359

Dood ayaa ka dhalatay Su’aal maanta xildhibaan ka tirsan Golaha Shacabka uu weydiiyay Ku xigeenka Hay’adda NISA Fahad Yaasiin Haaji Daahir.

Xildhibaan Zakariye Gaashaan oo ka mid ah Xildhibaanada Golaha Shacabka ayaa   ku-simaha Agaasimaha Hay’adda NISA, si toos ah u weydiiyey Fahad Yaasiin arrimo ku saabsan Hay’adda hoggaaanka NISA xiriir la leeyahay Alshabaab iyo sababtii xilka looga eryay taliye ku xigeenkii NISA Cabdalla Cabdalla oo sheegay in Alshabaab ku dhex milmeen hoggaanka NISA, taasoo keentay in jawaab culus uu bixiyo Fahad Yaasiin.

Kusimaha Hay’addaha NISA ayaa ka carooday Su’aasha uu weydiiyay Xildhibaanka, waxaana uu sheegay in uu sharciga la tiigsan doono.

Waxaa uu sidoo kale sheegay in sababtii looga Mamnuucay Warbaahinta kulanka in uu ahaa in Su’aallo siddaan oo kale  ay weydiin doonaan Xildhibaanada qaar ee Golaha Shacabka.

Qaar ka mid ah Shacabka Soomaaliyeed iyo siyaasiyiinta qaar ayaa siyaabooyin kala duwan uga hadlay Hanjabaad uu u diray Xildhibaanka Su’aasha weydiiyay Ku simaha Hay’addaha NISA.

Siyaasiga Cabdiraxmaan Cabdishakuur ayaa sheegay in uu ku mahadsan yahay Xildhibaanka Su’aasha, maadaama uu weydiyay rabitaanka Shacabka.

“Xildhibaanku wuxuu waydiiyey “Xadgudubkii lagula kacay taliye ku xigeenkii hore ee Hay’adda Nabadsugida Qaranka Generaal Abdallah Abdallah iyo tuhunka ah in Generaal Abdallah uu hayey cadaymo tilmaamaya in wiilku uu xiriir la leeyahay kooxaha Xagjirka ah. Jawaabtii hanjabaad ayey noqotay. Waxaa kaloo uu ku dooday in uu ku saxnanaa go’aankiisii ahaa in warbaahinta fadhiga golaha loo diido, maadaama su’aalaha caynkaan ah la waydiinayo. Wuu ku mahadsan yahay Xildhibaan Zakariye in uu dulmane Abdallal Abdalla u hadlay” ayuu yiri Hoggaamiyaha xisbiga Wadajir.