Home Warar Doorashada Madaxweynaha Uganda oo ku bilaabatay xaalad cabsi ah.

Doorashada Madaxweynaha Uganda oo ku bilaabatay xaalad cabsi ah.

78

Dadka reer Ugandha waxay bilaabeen inay u codeeyaan doorasho kacsan maanta iyadoo amaanka aad loo adkeeyay, iyadoo cabsida ugu weyn ay tahay internetka oo go’ay.

Internet-ka ayaa hawada ka baxay maalinta codbixinta, iyadoo qeybo ka mid ah Uganda laga soo sheegayo carqalado & gaabis weyn.

Madaxweynaha Uganda Yoweri Museveni ayaa sheegay galinkii dambe ee Talaadada in dowladdu ay xirtay baraha bulshada ee dalkiisa sababo la xiriira waxa uu ku sheegay dhaqanka aan cadaalada ahey. Baraha la xiray waxaa ku jira Facebook iyo Twitter.

Shirkadaha tiknoolajiyadda ayaa sii waday inay xayiraan xisaabaadka qaar ka mid ah taageerayaasha xisbiga talada haya inkasta oo mudaaharaad ka yimid dawladda, Museveni ayaa ku sheegay khudbad telefishanka laga sii daayay.

Ku guuldareysiga inay u hogaansamaan codsigii dowlada ee ahaa in laga xiro akoonada ayaa ku kaliftay Uganda inuu sidoo kale go’aansado inuu xannibo marinka Facebook iyo Twitter, sida uu yiri madaxweynaha.

Museveni, oo xukunka hayey in ka badan 30 sano, iyo ninka sida weyn ula tartamaya, pop Robert Kyagulanyi, ayaa ka mid ah musharixiinta madaxweynaha ee ka qayb qaadanaya doorashooyinka kulul ee lagu tartamayo.

Justice Simon Byabakama oo ah gudoomiyaha gudiga doorashada ayaa sheegay in gudiga uu ku dhawaaqi doono natiijada madaxtinimada mudada loo baahan yahay 48 saacadood kadib marka la xiro goobaha codbixinta.

Museveni ayaa doonaya markii lixaad inuu xafiiska qabto, isagoo xukumayay dalka Uganda ku dhowaad afartan sano, waxaa uu loolaan aan caadi ahayn kala kulmayaa heesaaga Siyaasiga noqday ee Bobi Wine, oo 38 jir ah.