Ciidamadii maanta laga diiwaangelinayay Cadaado oo la joojiyay
Saraakiisha ciidamada dowlada Somaliya ayaa maanta Cadaado ka bilaabay diiwangelinta ciidamada la qarameynayo hase yeeshee islamaanta ayaa la joojiyay diiwaangelinta ciidanka
Sargaal katirsan ciidamada dowlada ayaa pagekan Cadaado u sheegay in sababaha la joojiyay diiwaangelinta ciidanka ay salka ku heyso muran ka dhashay tirada ciidamada la qorayo
Saraakiisha kasocday dowlada dhexe ayaa sheegay in 200 (labo boqol)oo askari u diiwaangelinayaan reer Cadaado balse saraakiisha deegaanka ayaa sheegay inay hayaan 2000 (labo kun) oo askari loona baahan yahay in dhamaan la diiwaangalsho
Isfahan waaga tirada ciidamada la diiwaangelinayo ayaa ugu dambeyn keenay in la joojiyo ciidamadii laga diiwaangelinayay Cadaado
Saraakiisha deegaanka ayaa sheegay inaysan aqbali doonin tiro aysan ku qanacsaneyn in laga diiwaangalsho Cadaado waxayna sheegeen in dowlada Somaliya looga fadhiyo in magaalooyinka Galmudug ciidamo isla eg laga diiwaangalsho
