Home Warar Xiisad u dhaxeysa Alshabaab iyo Dadka Deegaanka oo Ka taagan Shabeelaha dhexe.

Xiisad u dhaxeysa Alshabaab iyo Dadka Deegaanka oo Ka taagan Shabeelaha dhexe.

405

Wararka ka imaanaya gobolka Shabeellaha Dhexe ayaa waxa ay ku warramayaan in Maanta xiisad u dhaxeysa Dad shacab ah iyo Al-Shabaab ay ka taagaan tahay tuulooyin hoostaga degmada Mahadaay ee gobolka shabeelaha dhexe.

In kastoo xilligaan wax dagaal ah soconin ayaa hadana waxaa la soo sheegayaa in xiisadaas laga dareemayo tuulooyinka Ceeldheere iyo Ceelbaraf ee Gobolka Shabeellaha dhexe,isla markaana Al-Shabaab iyo dadka Shacabka ah ay isku hub aruursanayaan.

Sababta xiisadaas dhalisay ayaa dad diiday in Magacooda iyo codkooda loo adeegsado qalabka Warbaahinta waxa ay sheegeen in Al-Shabaab ay Odayaasha deegaanadaas ka codsadeen in ay keenaan lacago balse dadka deegaanka taasi ay diideen,

Labada dhinac ayaa haatan waxa ay wadaan diyaar garoow,waxana dadka rayidka ah ay sheegeen in ay ka cabsi qabaan in dushooda lagu dagaalamo,isla markaana waxyeelo ka soo gaarto.

Masuuliyiinta Maamulka gobolka Shabeellaha Dhexe iyo kan degmada Mahadaay weli kama hadlin xiisada dagaal ee u dhaxeysa Al-Shabaab iyo dadka deegaanka.