Iska horimaad rabshado wata ayaa maanta ka dhacay magaalada Caabudwaaq, kaasi oo u dhexeeya dadka deegaanka iyo ciidamada amaanka kadib markii ay gacanta ku dhigeen labo baabuur oo hub badan siday Iska horimaadka ayaa sababay dhimashada labo ruux iyo dhaawaca dhowr kale, iyadoo xiisada colaadeed ay ka taagan tahay gobolka Galgaduud ee bartamaha Soomaaliya.
Rabshadaha ayaa ka dambeeyay kadib markii dadka deegaanka ay ka hortageen gawaaridaasi, waxaana la sheegay in ay saarnaayeen hub iyo rasaas ay dowladda Soomaaliya ka soo iibsatay dalka Itoobiya. Qalabkan ayaa isugu jiray qoryaha fudud iyo kuwa cul culus sida madaafiicda, madaafiicda iyo hubka kale ee heerka militariga ah, taasoo la sheegay in loogu talagalay in lagu sameeyo ciidan xooggan.
Warar is khilaafaya ayaa ka soo baxaya lahaanshaha iyo cidda loogu tala galay in la siiyo hubkaasi. Xogta ugu horeysa ayaa sheegeysa in dowladda Federaalka Soomaaliya ay la wareegtay hubkii ciidamada Galmudug iyo Hiiraan Dadaalo ay sameeyeen Ciidamada Nabad Sugida iyo Sirdoonka iyo Nabadsugida Qaranka Galmudug oo lagu doonayay in Hubka laga soo furto dadka deegaanka ayaa la kulmay iska caabin taasoo keentay iska hor imaadka sababay dhimashada iyo dhaawaca.
Goob joogayaal ku sugan Caabudwaaq ayaa ku waramaya in gadiidkan oo ay galbinayeen ciidamada booliska ay ka hortageen dadka deegaanka kadibna ay gacanta ku dhigeen hubkii. Qabashada kadib ayaa waxaa magaalada soo gaaray ciidamo ka tirsan kuwa Hay’adda Nabad Sugida iyo Sirdoonka Qaranka (NISA), kuwaas oo xaalada sii xoojiyey. Iska horimaadka xigay ciidamada NISA iyo dadka deegaanka ayaa sababay dhimasho iyo dhaawac soo kala gaaray labada dhinac.
Marka laga soo tago sida ay wax u dhaceen, Dowladda Federaalka iyo Maamulka Galmudug midna si rasmi ah ugama hadlin iska horimaadka iyo hubka lagu qabtay. Aamusnaanta labada heer dowladeed ayaa keentay in su’aalo badan laga jawaabo oo la iska weydiiyo ujeedada iyo halka loo wado shixnadaha hubka.
