Home Warar SAWIRRO:- Guddiga Loo Xilsaaray Fatahaadda Wabiga shabeelle oo kulankii Ugu Horeeyay yeeshay

SAWIRRO:- Guddiga Loo Xilsaaray Fatahaadda Wabiga shabeelle oo kulankii Ugu Horeeyay yeeshay

452

Guddigii uu ku dhawaqay Ra’iisulwasaraha xukuumada Soomaliya ee loo xil saaray u gurmashada dadkii ka barakacay fatahaada uu Wabiga Shabelle ka sameeyay Magalada Baladweyne ayaa Maanta waxa ay kulankoodii ugu horreeyay ku yeesheen Magaalada Muqdisho

Guddiga ayaa waxa ay ka hadleen sidii ay si deg deg ah ugu bilaabi lahayeen gurmad deg deg ah oo la gaarsiiyo dadka ka barakacay fahaada Wabiga ee Magalada Baladweyne ee Xarunta Gobolka Hiiraan.

Ra’iisul Wasaare ku xigeenka Xukuumadda Soomaaliya Mahdi Maxamed Guuleed (khaddar) oo la hadlay Warbaahinta kulankooda ka dib ayaa waxa uu sheegay in si ugu dhaqsiyaha badan ay u bilaabi doonaan u gurmashada dadka uu sameeyay fataahada Wabiga Shabeele isagoo sheegay in guddigu uu saameeyay Akoono loogu talagalay in deeqaha ay biixinayaan dadka Soomaliyeed ay ku soo shubaan.

Sheekh Bashiir Axmed Salaad oo ka mid ah guddiga gurmadka dadka ku barakacay fatahaada Wabiga Shabeelle ayaa waxa uu Bulshada Soomaliyeed ugu baaqay in ay isku gurmadaan si dhibaatada raagan uu Alle uga dulqaado.

Sikastaba Madaxweynaha Soomaaliya Maxamed Cabdullaahi Farmaajo ayaa shalay tegay Magalada Baladweyne isaga oo sheegay in Shacabka ay la qeyb sanayaan dhibaatada gaartay,isla markaana gurmad la agarsiin doono.