Waxaa soo baxaya faahfaahino ku aadan qarax miino oo ka dhacay duleedka magaalada Dhuusamareeb.
Qaraxan ayaa la sheegay in lala beegsaday gaari ay ciidamo milatari ah saarnaayeen oo marayay agagaarka deegaanka Sinna-dhaqo duleedka magaalada Dhuusamareeb ee xarunta Dowlad goboleedka Galmudug.
Labo askari ayaa ku dhintey halka dhaawac uu soo gaaray 9-kale oo saarnaa gaariga uu qaraxu haleelay.
Askarta dhaawaca soo gaaray ayaa la geeyay Isbitaal ku yaal magaalada Dhuusamareeb si loo daweeyo.
Weerarada miinooyinka loo adeegsado ayaa ku soo kordhaya deegaano badan oo ka mid ah dalka Soomaaliya iyadoo weeraradaasna ay sheegtaan ururka Alshabaab.
