Kadib markii todobaadkii hore Xubno katirsan Ururka Al-Shabaab ay weerar qaraxyo ku billaawday ku qaadeen Saldhig ciidamada dowladda ku leeyihiin degaanka Masagawaay oo hoostaga degmada Ceeldheer ee Gobolka Galgaduud ayaa dowladda Soomaaliya markii ugu horreysay ay shaacisay tirada Askarta lagu dilay weerarkaas.
Wasiir kuxigeenka Wasaaradda Warfaafinta Xukuumadda Soomaaliya Cabdiraxmaan Yuusuf Al-Cadaalla ayaa sheegay in Ciidamada dowladda ay weerarkaas kaag dhinteen 9 Askari oo kaliya, balse Al-Shabaab ay khasaaro xoogan ku gaarsiiyeen.
Wasiir Al-Cadaalla oo la hadlayay Tv-ga Universal wuxuu beeniyay Gaadiidkii dagaalka iyo Hubka oo ay Al-Shabaab Baraha Bulshada kusoo bandhigeen, kuwaas oo ay sheegeen inay ku qabsadeen degaalkii Masagawaay, wuxuuna sheegay in dagaalkaas Hal gaari kaliya looga gubay Ciidamada dowladda Soomaaliya.
