Qaraxaan ayaa waxa uu ka dhacay agagaarka Ex-kontorool Balcad ee Wadada Warshadaha gobolkan Banaadir,waxaana sida lasheegay lala eegtay Ciidamo ka tirsan kuwa Midowga Afrika ee Amisom.
Qaraxa oo ahaa miinada nooca dhulka lagu aaso, ayaa la sheegay in lala eegtay Kolonyo Ciidamada Amisom oo wadada maraayay, waxaana qaraxa kadib xigay rasaas xoogan oo Ciidamada Amisom ay fureen.
Lama oga khasaaraha dhimashada & dhaawaca ee ka dhashay qaraxaasi & rasaasta Ciidamada Amisom ay fureen, balse dadka deegaanka ayaa sheegaayay inuu jiro khasaare ka dhashay qaraxa.
Wadada Warshadaha oo Ciidamada Amisom isticmaalaan, ayaa qaraxyo miino halkaasi lagula eegta, iyadoo todobaadkii hore laba qarax miino Ciidamada Amisom lagula eegtay nawaaxiga Warshadii hore ee Baastada Degmada Yaaqshiid.