Ugu yaraan 12 ka tirsan Al-Shabaab oo ay ku jiraan dagaalyahano Ajaanib ah ayaa lagu dilay dagaal ka dhacay degmada Qansax dheere ee gobolka Baay, sida ay sheegeen saraakiisha ciidamada.
Saraakiisha Daraawiishta Koonfur Galbeed ayaa xaqiijiyay in dagaalyahano Ajaanib ah ay ku jiraan dadka la dilay balse ma aysan shaacin tiro cayiman iyo faah faahin dheeri ah.
Ciidamada dowladda iyo kuwa gobolka oo kaashanaya maleeshiyaad deegaanka ah ayaa xoojiyey howlgallada ciidan ee lagu soo celinayo deegaannada ay weli gacanta ku hayaan Al-Shabaab ee gobollada Baay iyo Bakool.
Howlgalladan oo kale oo dhacay bishii April, ayaa ciidamada Soomaaliya waxa ay ku dileen ku dhawaad ​​70 ka tirsan Al-Shabaab, 30 kalena waa ay ku dhaawaceen waqooyiga Mudug, una dhow degmada Xarardheere oo dhowaan laga saaray.
