Howlaha garoonka diyaaradaha Ugaas Khaalif ee magaalada Baladweyne ayaa maanta hakad galay kadib markii roobka deyrta uu curta oo sameyn ku yeeshay howlaha garoonka.
Qeybta dhabaha diyaaradaha ku ordan ayaa lagu waramaya in ay dhex jiifaan biyo ka soo fatahay buuraha ku hareereysan garoonka taasoo hakad gelisay howlaha garoonka diyaaradaha Baladweyne.
Mid ka mid ah shaqaalaha garoonka diyaaradaha Ugaas Khaliif ee Baladweyne ayaa u xaqiijiyay warbaahinta in maanta aysan jirin diyaarad ka soo dageysa ama ka duuleysa garoonka.
“Maanta waxaa hakad ku yimid howlaha garoonka diyaaradaha Ugaas Khaliif, ma jirto diyaarad ka soo dageysa ama ka duuleysa garoonka, sababto ah, qeybta diyaaradaha ku ordan ee ‘runway-ga’ayaay biyo dhex fadhisteen taas ayaana keentay in howlaha garoonka ay hakad galaan”ayuu yiri mid ka mid ah howl-wadeennada garoonka diyaaradaha Baladweyne.
Garoonka diyaaradaha magaalada Baladweyne ayaa waxaa ku xeeran buuro kuwaas oo waadiyaasha ka soo baxa buuraha ay toos u soo galan garoonka. Biyaha ay keenaan waadiyaashaas ayaa inta hakad geliya howlaha garoonka.
Maamulka gobolka oo kaashanaya hay’adaha ka howl gala gobolka ayaa wada dadaalo iyo dhismooyin garoonka looga leexinayo biyaha
