Taliyaha Ciidanka Xoogga Dalka S/Gaas Ibraahim Sheekh Muxudiin Caddow ayaa tagay Degmada Xarardheere ee Gobolka Mudug isaga oo la kulmay saraakiil katirsan Ciidanka iskaashanaya ee halkaas ka howlgallaya.
Gen. Ibraahim Sheekh Muxudiin ayaa saraakiisha iyo ciidamada Xoogga Dalka kala hadlay sidii loo dardargelin lahaa howlgallada ka dhanka ah ‘AS’ ee ka socda deegaanno hoostaga Degmadaan Qadiimiga ah ee Gobolka Mudug katirsan.
Saraakiisha Ciidanka Federaalka, Daraawiishta Dowlad-Goboleedka Galmudug iyo Dadka Deegaanka ee Macawiislayda ayaa ka shiray sidii ay u dardargelin lahaayeen dagaallada ka socda Koofurta Gobolka Mudug & sida loo kordhin karo.
War kooban oo kasoo baxay Taliska Ciidanka Xoogga Dalka Soomaaliyeed ayaa lagu sheegay in Taliye Ibraahim uu sii wadayo kormeerka uu ku tagayo deegaanno iyo degmooyin kala duwan oo ay ka socdaan howlgallada ka dhanka ah ‘AS’.
La soco wixii kasoo kordha
