Wafdi u hoggaaminayo ra’iisul wasaare ku xigeenka XFS Salax Axmed Jaamac ayaa magaalada Dhuusamareeb ee caasimadda Galmudug waxaa ku soo dhaweeyay masuuliyiin ka tirsan maamulka Galmudug oo ugu horeyo madaxweyne ku xigeenka Galmudug Cali Daahir Ciid.
Socdaalka ra’iisul wasaare ku xigeenka waxaa ku weheliya wasiirka Maaliyadda Soomaaliya Biixi Iimaan Cige iyo wasiir dowlaha xafiiska Ra’iisul Wasaaraha Xirsi Gani, Lataliyaha Amniga Ra’iisul Wasaaraha Kamaal Gutaale iyo masuliyiin kale.
Wafdigaan maanta gaaray magaaladda Dhuusamarreeb ayaa kulamo kala duwan la qadan doona Madaxda dowladda iyo Madaxda Dowlad Goboleedka Galmudug ee halkaa ku sugaan, iyada oo kulamadaana ay qayb ka yihiin dardargalinta howlgallada ka dhan ka ah As.
Socdaalkaan ayaa ku soo aadeysa iyada oo todobaadkii hore ee sidaan oo kale Magaalada Dhuusamareeb u gaareen labada Guddoomiye Golaha Shacabka iyo Aqalka Sare, iyaga oo halkaas kula kulmay Madaweynaha Jamhuuriyadda Federaalka Soomaaliya Xasan Sheekh Maxamuud.
