Home Warar DHAGEYSO:-Khasaaro ka dhashay qarax ka dhacay Beledweyne

DHAGEYSO:-Khasaaro ka dhashay qarax ka dhacay Beledweyne

142

Qaraxaan oo geystay khasaaro dhimasho ah  ayaa waxaa uu Maanta ka dhacay Xaafada Howl-wadaag ee Magaalada Beledweyne, iyada oo jugtiisa siweyn looga maqlay Xaafadaha Magaaladaas.

Qaraxa oo ahaa miinada nooca dhulka lagu Aaso ayaa waxaa uu sigaar ah uga dhacay laamiga Bacadada re Xaafada howl-wadaag, waxaana ku dhintay Hal Askari oo ka tirsanaa maleeshiyaadka macawuusleeyda ah.

Guddoomiyaha degmada Beledweyne oo gaaray halka uu qaraxa ka dhacay ayaa sheegay inay meydka Askari ka tirsanaa macawiisleeyda ay goobta ka qaadeen, isla markaana falkaasi ay ka dambeeyaan Al-Shabaab.

Waxaa uu hadalkiisa uu intaasi ku daray in Ciidamada Dowladda Soomaaliya ay wadaan howlgallo ay ku baadi goobayaan dadkii ka dambeeyay qaraxa ayna rajeynayaan in gacanta lagu soo dhigo.

Majirto cid sheegatay weli mas’uuliyadda qaraxaas, hayeeshee inta badan qaraxyada noocaas oo kale ah ayaa waxaa sheegta Ururka Al-Shabaab oo dagaal kula jira Ciidamada Dowladda Soomaaliya.

hoos ka dhageyso warbixin kusaabsan.