Home Warar Imaam lagu dilay masjid uu ku tukanayay!{AKHRISO}

Imaam lagu dilay masjid uu ku tukanayay!{AKHRISO}

15

Sheekh Cali Amiin, oo ahaa imaam caan ka ah bariga Jamhuuriyadda Dimuqraadiga ee Congo ayaa lagu toogtay masjidka weyn ee magaalada Beni isaga oo salaad ku tukanaya.

Nin hubeysan ayaa toogtay Imaamka xilli lagu jiray salaadii maqrib ka dibna wuu baxsaday, sida uu sheegay mid ka mid ah dadka u dhaqdhaqaaqa xuquuqda aadanaha.

Imaamka wuxuu ahaa nin si adag u dhaleeceeya dagaalyahana hubaysan ee loogu yeero xagjiriinta ee ka jirta gobolka, sida ay sheegtay wakaaladda wararka ee Reuters.

Bariga DR Congo waxaa si xun u saameeyay xasilooni daro, oo ay ku jiraan weeraro ay sheegteen kooxda la baxday Dowladda Islaamka (ISIS).

Waxaa sidoo kale jira kooxo badan oo hubeysan kana howlgala bariga DR Congo.

“Waxay dhacday abaare 19:15 salaadii maqrib. Rasaas ayaa ka dhacday gudaha masjidka oo lala beegsaday imaamka. Ninkii hubeysnaa waa uu baxsaday maadaama uu banaanka hore ee masjidka uu ku sugaayay qof watay mooto “ ayuu yiri Stewart Muhindo, oo u dhaqdhaqaaqa arrimaha xuquuqda aadanaha.