Guddoomiyaha Maamulka Gobolka Hiiran Cali jeyte Cismaan iyo Wafdi uu hoggaminayo ayaa waxaa lagu wadaa in saacadaha soo socda ay gaaraan degmada Buulo-Burde ee Gobolkaasi Hiiraan.
Ujeedka safarkooda ayaa waxaa lagu sheegay sidii lagu xalin lahaa khilaf soo kala dhex-galay Guddoomiyaha degmada Buulo-Burde Feysal Haajir Aadan iyo Saraakiisha Ciidamada Jabuuti ee ku sugan degmadaas.
Guddoomiyaha degmada Buulo-Burde Feysal Haajir Aadan ayaa dhawaan sheegay in Ciidamada Jabuuti ay Maamulka ku hayaan faragelin dhinaca Maaliyadda ah , taas oo keentay in degmada Buulo-Burde laga dareemo xiisad u dhaxeeysa labada dhinac.
Guddoomiyaha Maamulka Gobolka Hiiran Cali jeyte Cismaan ayaa waxaa la filayaa in uu kulan la qaato Mas’uuliyiinta Maamulka degmada Buulo-Burde iyo Saraakiisha Ciidamada Jabuuti si xal looga gaaro khilaafka soo kala dhex-galay.
