Danjiraha cusub ee Dowladda Mareykanka u qaabilsan Soomaaliya Donald Y. Yamamoto, ayaa soo gaaray Magaalada Muqdisho sida lagu daabacay bogga howlgalka Mareykanka ee Soomaaliya.
Mr Yamamto, ayaa lagu sheegay in uu si dhow ula shaqeyn doono dowladda Federaalka ah,Dowlad Goboleedyada,Ururrada Bulshada rayidka,Haween, Dhallinyarada iyo Hay’daha amaanka Soomaaliya si dowladda Soomaaliya looga caawiyo dib u dhiska.
Qoraalka lagu daabacay Bogga Xafiiska Mareykanka ee Soomaaliya ayaa lagu sheegay in Mr Yamamoto uu yahay mid ka mid ah diblomaasiyiinta ugu sarreysa mareykanka ee jooga Afrika,waxaana lagu sharraxay arrintaas sida dowladda Mareykanka uga go’antahay dhismaha xiriirka wanaagsan ee kala dhaxeeya Soomaaliya.
Diblomaasigan ayaa horay uga soo shaqeeyay Dalalka Jabuuti,Eritrea, iyo Ethiopia,waxaana lagu sheegaa in uu yahay diblomaasi sare.
