Golaha Wasiirada Soomaaliya oo uu shir guddoominayay Ra’iisul Wasaare Xamza Cabdi Barre, ayaa ansixiyay hindise sharciyeedyo cusub oo looga gol leeyahay dib u habeynta dhaqaalaha iyo daah-furnaanta maaliyadda. Qabyo-qoraalka waxaa ka mid ah Sharciga Canshuurta Dakhliga, Qaabdhismeedka Maamulka Maaliyadda Guud, Siyaasadda Deynta, iyo Nidaamka Bixinta Amaahda iyo Dammaanadda.
Wasaaradda Hawlaha Guud ayaa ka warbixisay mashaariicda kaabayaasha dhaqaalaha ee socda iyo kuwa qorsheysan. Wadooyinka Garoowe, Baydhaba iyo Kismaayo ayaa dhismahoodu ka socdaa, iyadoo la qorsheynayo waddooyin dheeri ah oo isku xira Beledweyne iyo Dhuusa-mareeb. Magaalada Muqdisho, waxaa lagu wadaa in laga hirgeliyo habab cusub oo bullaacadaha iyo dhuumaha bulaacadaha.
Golaha Wasiirada ayaa warbixin ka dhageystay Wasaaradaha Amniga Gudaha iyo Gaashaandhigga oo warbixin ka dhageystay howl gallo lagu sugayo amniga. Dhaqdhaqaaqyo ciidan oo maalmihii la soo dhaafay ka dhacayay deegaano dhowr ah ayaa lagu bartilmaameedsaday kooxaha xagjirka ah, iyadoo meelaha qaar laga sifeeyay argagixisada.
