Wasiirka Difaaca Soomaaliya, C/qaadir Maxamed Nuur (@Amohamednur), ayaa kala hadlay Ku-simaha Ergayga Gaarka ah ee Qaramada Midoobay James Swan oo ku saabsan is-beddelka amniga dalka iyo sida ay QM uga go’an tahay taageeridda habkan xasaasiga ah.
Kulanka oo si heer sare ah loo soo agaasimay oo ka dhacay magaalada Muqdisho ayaa hoosta ka xarriiqay in Soomaaliya iyo Qaramada Midoobay ay iska kaashanayaan sidii loo xoojin lahaa qaab dhismeedka amniga qaranka iyadoo ay jiraan caqabado hor leh.
Wasiir Nuur iyo wakiil Swan ayaa dib u eegis ku sameeyay xaaladda kala guurka ee Soomaaliya ee dhanka amniga, iyagoo muujiyay horumarka iyo meelaha u baahan taageero caalami ah. Wada-hadalladan ayaa ujeedadoodu ahayd sidii loo xaqiijin lahaa in mas’uuliyadaha amniga lagala wareego ciidamada caalamiga ah si hufan oo wax ku ool ah loogu beddelo ciidamada qaranka Soomaaliyeed, taasoo ah tallaabo laf-dhabar u ah waddada Soomaaliya ee xasilloonida iyo isku-kalsoonaanta waarta.
Wasiir Nuur waxa uu carrabka ku adkeeyay sida ay dawladda Soomaaliya uga go’an tahay sare u qaadida awoodaha amniga qaranka, isaga oo xoojinaya muhiimadda ay leedahay sii socoshada iskaashiga iyo taageerada caalamiga ah. “Waxaa naga go’an inaan dhisno Soomaaliya oo ammaan ah oo isku halleysa waa mid aan leexleexad lahayn. Waxaan ka mahadcelineynaa taageerada joogtada ah ee Qaramada Midoobay, waxaana rajeyneynaa inaan sii wadno dadaalladayada iskaashiga ah si aan u gaarno yoolalkayada amniga,” ayuu yiri Wasiir Noor.
Ku-simaha Ergeyga Gaarka ah ee Qaramada Midoobay James Swan ayaa mar kale xaqiijiyey sida ay Qaramada Midoobay uga go’an tahay taageeridda Soomaaliya iyada oo loo marayo marxaladdan kala guurka ah. Wuxuu qiray horumarada ay sameeyeen ciidamada ammaanka Soomaaliya, wuxuuna ku celceliyay in Qaramada Midoobay ay diyaar u tahay inay gacan ka geysato dhisidda awoodda, qeybsiga kheyraadka, iyo qorsheynta istiraatiijiyadeed.
“Qaramada Midoobay waxay ku adkaysanaysaa sida ay uga go’an tahay kala-guurka ammaanka ee Soomaaliya. Waxaan aqoonsannahay horumarka ballaaran ee la sameeyay, waxaana sii wadi doonnaa taageerada dowladda Soomaaliya si ay u hesho deegaan xasiloon oo ammaan ah oo ay dadkeeda ku noolaadaan,” ayuu yiri Swan oo la hadlayay wasiirka.
Kulanka ayaa sidoo kale looga hadlay saameynta ballaaran ee isbadalka amni uu ku yeelan karo xasiloonida gobolka iyo muhiimadda ay leedahay dadaallada la iska kaashanayo ee lagula dagaallamayo argagixisada iyo khataraha kale ee amniga. Labada hogaamiye waxay isla garteen inay lama huraan tahay in la joogteeyo istaraatiijiyad amni oo adag oo la qabsan karo si wax looga qabto caqabadaha soo baxaya si wax ku ool ah.
Wadahadalkan u dhaxeeya Wasaaradda Difaaca Soomaaliya iyo Qaramada Midoobay ayaa ka dhigan qayb muhiim ah oo ka mid ah taageerada beesha caalamka ee socdaalka Soomaaliya ee nabadda iyo xasilloonida.
