Madaxweynaha DG Jubbaland Axmed Maxamed Islaam Madoobe ayaa maamul cusub u magacaabay Gobolka Gedo oo muddo dheer uusan tegin mas’uul katirsan Dowlad-Goboleedkaas sababo la xiriira khilaaf siyaasadeed oo ka jira Gobolkaas.
Madaxweyne Axmed Maxmed Islaam Madoobe ayaa mas’uuliyiinta uu magacaabay waxa uu kusoo daray xubno si dhaw u mucaaradkanaa shanti sano u dambeysay kuwaas oo eedeyn culus u jeediyay maamulkiisa.
Axmed Madoobe ayaa mas’uuliyiintaan faray in ay qabtaan howlaha shaqo ee horyaalla si looga shaqeeyo dib u heshiisiinta oo udub dhexaad u ah isu socodka madaxda iyo qaybaha kala duwan ee Bulshada Jubbaland.
Mas’uuliyiinta uu magacaabay Madaxweynaha DG Jubbaland ayaa kala ah:
1-Cabdullahi Cabdi Jaamac —Gudoomiyaha Gobolka Gedo.
2-Cusmaan Nuux Xaaji ( Macalimu) —G/Kuxigeenka Amniga & Siyaasada.
3-Nasteex Cabdi Saalax —G/ Kuxigeenka Maaliyadda.
4-Ibrahim Madoobe Maxamed —G/Kuxigeenka Arrimaha Bulshada.
5-Maxamed Xuseen Isaaq (Qaadi) —G/Kuxigeenka Maamulka ahna Xoghayaha Gobolka.
Waxaa la dhowrayaa in sida uu shaqo galo maamulkaan cusub ee Madaxweynaha DG Jubbaland Axmed Maxamed Islaam Madoobe uu u magacaabay Gobolka Gedo iyada oo aanay weli xal lasoo bandhigay laga gaarin khilaafka siyaasadeed.
