Home Warar SAWIRO:-Ciidanka Xooga Dalka oo Howlo Caafimaad u Fidyay Dad Ku Nool Deegaanada...

SAWIRO:-Ciidanka Xooga Dalka oo Howlo Caafimaad u Fidyay Dad Ku Nool Deegaanada Sh/Hose

129

Ciidamada Xoogga dalka oo tagay deegaanka Moordiinle ee hoostaga deegaanada Sabiib iyo Canoole ayaa shacabka ku dhaqan deegaanka u geybiyay daawooyin caafimaad xilli dadka ay ka cabanayaan xaalado caafimaad daro.

Sidoo kale, dhaqaatiir ka socota Ciidanka Xoogga dalka ayaa xog wareysi caafimaad la yeeshay dadka jilicsan ka dibna qaar baaritaano gaar ah u sameeyay.

Dhaqaatiirta Ciidanka Xoogga dalka ee Baaritaanka caafimaad u sameynayay shacabka ku dhaqan deegaanka Moordiinle ayaa sheegay in mudo 7-sano ah Oo Ay Alshabaab ay shacabka ku hayeen cadaadis una diideen wax kasta oo nolosha oo asaasiga u ahaa.

Shacabka ayaa soo dhoweeyay gargaarka caafimaad ee ay ka heleen ciidanka Xoogga dalka,waxayna ku ilaabeen dhibaatadii ay kala kulmeen Dagaalamayaasha Al-Shabaab.

Dhanka kale, Guddoomiyaha Gobolka Shabeellaha hoose Ibaahim Aadan Cali Najax ayaa kormeeray furumaha hore ee ciidanka Xoogga dalka ay lu leeyihiin deegaanada Sabiib iyo Caanoole si loo dhiira geliyo ciidanka loogana Difaaco cadowga iney dhacabka dhibaateeyaan.

Guddoomiye Najax oo la hadlay warbaahinta Afka Dowlada Ku Hadasha  ayaa sheegay in ciidanka ay u diyaarsan yihiin sidii haraadiga Dagaalamayaasha Al-Shabaab looga sifeyn lahaa Guud ahaan Gobolka Shabeelaha hoose.