Dowladda Soomaaliya ayaa shaacisay in ay diyaarisay Basas waa weyn oo loogu tala galay in lagu qaado Shacabka Soomaaliyeed ee kunool Magaalada Muqdisho inta ay xiran yihiin Wadooyinka.
Dowladda ayaa waxa ay sheegtay in la xiri doono Wadooyinka Muqdisho 1- da Luulyo sidaasi darteed si aan loo dhibaateyn Shacabka in la diyaariyay Basas waa weyn oo lacag la’aan ah.
Wasiirka warfaafinta Soomaaliya Mudane Daahir Maxamuud Geele ayaa sheegay in qorshahaan loogu tala galay in Shacabka loogu danaayo, xiliyadda la xirrayo Waddooyinka.
Wasiirka Warfaafinta sidoo kale waxaa uu yahay Gudoomiyaha Guddiga qabanqaabadda maalmaha xoriyadda, waxaa uu sheegay in shacabka Soomaaliyeed ay ka doonayaan in ay dulqaataan in ay xiran yihiin Wadooyinka.
Waa markii ugu horreysay oo dowladda Soomaaliya ay keento qorshe Shacabka ay ku raacayaan basaska marka la xiro Wadooyinka.
Shacabka Muqdisho, ayaa inta badan dhibaatooyin kala kulma xirritaanka waddooyinka muqdisho, taasi oo ay dawladdu ugu tala gashay in lagu suggo ammaanka.
