Saturday, November 29, 2025
HomeWararGudahaHorjooge sare oo ka tirsanaa Al-shabaab iyo ilaaladiisii oo lagu dilay gobolka...

Horjooge sare oo ka tirsanaa Al-shabaab iyo ilaaladiisii oo lagu dilay gobolka Jubbada Hoose

Ciidamada Kumaandooska Danab iyo kuwa Daraawiishta maamulka Jubbaland ayaa Xalay howlgal qorsheysan oo lagu dilay horjooge ka tirsan kooxda Al-shabaab ka fuliyay nawaaxiga degmada Jamaame ee gobolka Jubbada Hoose.

War qoraal ah oo kasoo baxay Jubbaland ayaa lagu sheegay in howlgalka uu ahaa mid si gaar ah loogu beegsanaayay horjogayaal ka tirsan maleeshiyaadka Al-shabaab, islamarkaana lagu dilay horjooge magaciisa lagu sheegay Faarax Jibriil iyo 7 xubnood oo ka mid ahaa ilaaladiisa.

“Hawlgalkan, oo qeyb ka ah dadaallada xaqiijinta amniga gobolka, ayaa lagu qaarjiyay horjogihii ugu weynaa ee deegaankaasi si weyn looga yaqaanay, kaasoo lagu magacaabo Faarax Jibriil, iyo toddoba kale, kuwaas oo muddo dheer dhibaato iyo cadaadis ku hayay shacabka deegaanka” ayaa lagu yiri qoraal kasoo baxay maamulka Jubbaland.

Waxaa sidoo kale lagu sheegay qoraalka kasoo baxay Jubbaland in horjoogaha howlgalka lagu dilay mudo ay ku raad joogeen ciidamada, islamarkaana ugu dambeyn lagu guuleystay in la dilo horjooge Faarax Jibriil.

Saraakiisha ciidamada Kumaandooska Danab iyo kuwa Daraawiishta Jubbaland ayaa sheegay in howlgalada noocaan ah ay kasii wadayaan deegaanada Jubbaland inta laga ciribtirayo guud ahaan deegaanadaas maleeshiyaadka Al-shabaab.

“Waxaa socda hawlgallo kale oo qorshaysan oo lagu xaqiijinayo nabadda iyo amniga shacabka kaas lagu beegsanayo meel kasta oo ay ku dhuumaaleysanayeen Maleeshiyaadka Khawaarijta” ayaa lagu yiri qoraalka kasoo baxay Jubbaland.

Ugu dambeyntii howlgalkaan ayaa kusoo aadaya, iyadoo todobaadkii sadaxaad uu galay howlgalada ka dhanka ah Al-shabaab ee ka socda deegaanada ku dhadhaw degmada Jamaame oo ay iska kaashanayaan ciidamada dowladda iyo kuwa Jubbaland ee lagu doonayo in ciidamadu kooxda kaga xureeyaan degmada Jamaame oo mudo dheer ku jirta gacanta Al-shabaab.

QORAALADA LA XIRIIRA

LEAVE A REPLY

Please enter your comment!
Please enter your name here

Rukumo warbaahinteena

10,000FansLike
1,043FollowersFollow
4,043SubscribersSubscribe