Hadalka Xasan Sheekh Maxamuud madaxweynhii mudo xileedkiisa Dhammaaday ee Soomaaliya ee ku saabsan in dowladda ay hubka ka dhigi doonto cidda hubka qaadata ayaa kusoo aadaya xilli Soomaaliya ay wajaheyso xaalad siyaasadeed iyo amni oo xasaasi ah.
Xasan Sheekh Maxamuud ayaa mucaaradka uga digay inay hub qaataan, isagoo sheegay in haddii ay sidaas sameeyaan loola dagaallami doono sida kooxaha Al-Shabaab iyo Daacish.
Hadalkan wuxuu sare u qaaday su’aasha ah: Soomaaliya xilligan ma awooddaa inay isku daydo hub-ka-dhigis xoog ah oo lagu sameeyo kooxaha ama siyaasiyiinta mucaaradka ah?
Hub-ka-dhigista mucaaradka iyo Al-Shabaab waa laba arrimood oo kala duwan,Qodobka ugu horreeya waa in aan la isku darin labada xaaladood,Al-Shabaab iyo Daacish waa kooxo hubeysan oo dowladdu si rasmi ah ula dagaallanto.Laakiin mucaarad siyaasadeed waa qayb ka mid ah nidaamka siyaasadda, haddii aysan hub qaadan ama aysan sameyn falal hubeysan.
Sidaas darteed, haddii qof siyaasadeed uu mucaarad yahay oo keliya, hub-ka-dhigis xoog ah oo lagu beegsado waxay halis u yeelan kartaa nidaamka siyaasadeed.
Haddii koox ama shaqsi hub qaato oo weerar ku qaado dowladda ama shacabka, xaaladdu way ka duwan tahay, waxaana arrinta lagu maareyn karaa iyadoo la raacayo sharciga,Soomaaliya ma samayn kartaa hub-ka-dhigis hadda,Farsamo ahaan waa suurtagal, laakiin waqtigan waxay noqon kartaa arrin aad u adag haddii aan lagu salayn heshiis siyaasadeed iyo hannaan sharci ah.
Soomaaliya weli waxay leedahay:Kooxo hubeysan oo Al-Shabaab ah,Daacish oo ka hawlgasha qaybo dalka ah,Ciidamo iyo maleeshiyaad deegaan,Khilaafaad siyaasadeed oo u dhexeeya dowladda Federaalka iyo qaar ka mid ah dowlad-goboleedyada.Marka xaaladdan oo kale jirto, in hal dhinac uu isku dayo inuu xoog ku hub-ka-dhigo dhinac kale waxay kordhin kartaa khatarta isku dhac. Dhinacyada mucaaradka ayaa isku dayi kara inay isu keenaan taageerayaashooda, taasoo abuuri karta xulufo cusub oo siyaasadeed iyo kuwo hubeysan.
Xalka ugu macquulsan waa heshiis siyaasadeed, ciidan qaran oo mideysan, hub-ka-dhigis sharci ah oo tartiib ah, dib-u-dhexgalka dadka hubka dhiga iyo dagaal qorsheysan oo ka dhan ah Al-Shabaab iyo Daacish.
Hubka Al-Shabaab lagama qaadi karo hal maalin; waxaa looga qaadi karaa marka dowladda ay isku darto awood ciidan, sirdoon, maamul wanaagsan, adeegyo bulshada iyo xal siyaasadeed.
Xasan Sheekh Maxamuud haddii uu doonayo hub-ka-dhigis waarta, waxaa muhiim ah in arrinta lagu saleeyo sharci, heshiis siyaasadeed iyo hannaan ay dhinacyada oo dhan ku qanacsan yihiin.
